Wednesday , August 15 2018
Home / Articles / భారతీయ స్వేచ్ఛావాద మేధావులకు ఈ దమ్ముందా?

భారతీయ స్వేచ్ఛావాద మేధావులకు ఈ దమ్ముందా?

సుదీర్ఘకాలం వాదోపవాదాలు జరిగిన తరువాత ఎట్టకేలకు ముస్లిం మహిళలు బురఖా ధరించడాన్ని నిషేధించే విషయమై డెన్మార్క్ పార్లమెంటులో అన్ని పార్టీలు ఒక్క త్రాటిపైకి వచ్చాయి. అయితే ఈ నిషేధం మహిళలను పరదా మాటున ఉంచేయడాన్ని వ్యతిరేకించడానికే గాని సంప్రదాయ వస్త్రధారణను వ్యతిరేకించడం కాదని డెన్మార్క్ లిబరల్ పార్టీ అధికార ప్రతినిధి జాకోబ్ ఎల్లేమాన్ జేన్సేన్ అంటారు. డెన్మార్క్ సంకీర్ణ ప్రభుత్వంలో లిబరల్ పార్టీ అతి పెద్ద భాగస్వామ్య పార్టీ.

ఐరోపా దేశాలలో ముస్లిం మహిళలు బురఖా ధరించడాన్ని నిషేధించిన మొదటి దేశం ఫ్రాన్స్. ఇది 2011లో బురఖా ధరించడాన్ని నిషేధించింది. ఆ తరువాత ఆస్ట్రియా, బెల్జియంలు కూడా బురఖాను నిషేధించాయి. స్విట్జర్లాండ్ త్వరలో బురఖాను నిషేధించబోతోంది.

బురఖా నిషేధాన్ని వ్యతిరేకిస్తున్నవారు మాత్రం డెన్మార్క్ పార్లమెంట్ నిర్ణయాన్ని ముస్లిం సంస్కృతినే లక్ష్యంగా పెట్టుకుని ఒక క్రమపద్ధతిలో జరుపుతున్న దాడిలో భాగంగా పేర్కొంటున్నారు. యూదులు సంప్రదాయకంగా ధరిస్తున్న టోపీని (కిప్పా) లేదా తలపాగాను ఎందుకు నిషేధించలేదని వీరు అంటున్నారు. అయితే ఇక్కడ ఒక ప్రశ్న సభ్య సమాజం ముందున్నది. అదేమిటంటే, ఒక్క అంగుళం శరీర భాగం కూడా కనిపించకుండా స్త్రీలచే బురఖా ధరింపజేయడం ఏ విధంగా సాంస్కృతిక వస్త్రధారణ అవుతుంది అని. ఇది ఎలా ఉందంటే ఆడవాళ్ళు ఏ వస్త్రాలు ధరించాలో మగవాళ్ళే నిర్ణయించడమన్నమాట.

ప్రతి వ్యక్తికీ భావోద్వేగాలు ఉంటాయి. వాటిని వ్యక్తం చేసే స్వాతంత్ర్యం కూడా ప్రతి ఒక్కరికీ ఉంటుంది. ఇందులో లింగ వివక్షతకు తావు లేదు. కానీ ‘బురఖా’ నిర్బంధం వల్ల ముస్లిం మహిళలు బాహ్య సమాజంలో తమ భావోద్వేగాలను వ్యక్తం చేసే అవకాశాన్ని కోల్పోతారు. ఇది నిజంగా అమానుషము, అనాగారికము అయినది. ప్రపంచంలో ఒక్క ఇస్లాంలోనే ఈ వికృతి కొనసాగుతోంది.

“మరి క్రైస్తవ సన్యాసినులు కూడా పైనించి క్రింది దాకా బురఖా లాంటి వస్త్రధారణ చేస్తారు కదా?” అని కొందరు అడుగుతూంటారు. కానీ వారొక విషయాన్ని గమనించాలి. క్రైస్తవమతంలో సన్యాసినులు అవుదామని నిర్ణయించుకున్న స్త్రీలకూ మాత్రమే బురఖా వంటి వస్త్రధారణ ఉంటుంది. మిగిలిన క్రైస్తవ స్త్రీలు ఆ వస్త్రధారణ చేయరు. కానీ ఇస్లాంలో స్త్రీగా పుడితే చాలు బురఖా ధారణ తప్పనిసరి. ఇక్కడ ఎవరి ఇష్టాయిష్టాలతోనూ పనిలేదు.

ఈ బురఖా వ్యవహారాన్ని డెన్మార్క్ రాజకీయ కోణంలోంచి కనుక చూసినట్లయితే మనకు ఒక విషయం అవగతమౌతుంది. డానిష్ పార్లమెంటులోని అన్ని పార్టీలూ ముస్లిం మహిళలు బురఖా ధరించడాన్ని వ్యతిరేకించాయి. మూడు పార్టీల మైనారిటీ సంకీర్ణ ప్రభుత్వం, దాని భాగస్వామ్య పక్షమైన డానిష్ పీపుల్స్ పార్టీ, ప్రధాన ప్రతిపక్షమైన సోషల్ డెమొక్రాట్స్ – వీరంతా బురఖా నిషేధంపై ఏకాభిప్రాయాన్ని వ్యక్తం చేసారు. అయితే డెన్మార్క్ లోని వివిధ శాసనసభలలో మాత్రం ఈ నిషేధంపై చర్చలు జరుగుతున్నాయి.

“బురఖా అనేది మహిళల స్వాతంత్ర్యం అణచివేతకు నిదర్శనం. ప్రాచీన మత గ్రంధాలకు కొందరు స్వార్థపరులు చేసిన అమానుష వ్యాఖ్యానాలని గుడ్డిగా ఆమోదించడమే ఇలాంటి అణచివేత ధోరణులకు కారణమౌతాయి. మహిళల స్వాతంత్ర్యాన్ని హరించే ఇలాంటి ధోరణులపై ప్రతి ఒక్కరూ పోరాడాలి” అని Anders Samuelsen అంటారు. ఈయన డెన్మార్క్ విదేశీ వ్యవహారాల మంత్రి.

స్వేచ్ఛా విఫణి, లైంగిక సమానత్వం వంటి వాటిని సమర్థించే డెన్మార్క్ లిబరల్ పార్టీ కూడా ముస్లిం మహిళల బురఖా ధారణని వ్యతిరేకిస్తోంది.

మరి మన భారతదేశంలో స్వేచ్ఛావాదులు, సెక్యులరిస్టులుగా చెలామణీ అయ్యే మేధావులు ఉన్నారు. వాళ్లెప్పుడూ ఇస్లాంలోని కాలంచెల్లిన ఛాందసధోరణుల జోలికి వెళ్ళే సాహసం చెయ్యరు. అలా చేస్తే పవిత్రమైన వారి “సెక్యులర్ మడి” మంట కలిసిపోతుంది కదా!

భారతదేశంలోనే కాదు దక్షిణాసియా దేశాలలో కూడా సెక్యులర్ పండితులు ఇస్లాంలోని కాలం చెల్లిన ధోరణుల గురించి ప్రస్తావించరు. వాటి గురించిన చర్చలలో పాల్గొనడానికి కూడా వారు సుముఖత చూపారు. ఒకవేళ ఎవరైనా ఇస్లాం మతంలోని ఛాందస ధోరణులను ప్రశ్నిస్తే మాత్రం ఈ సెక్యులర్ పెద్దలు అంతెత్తున విరుచుకుపడతారు. పైగా ఈ సెక్యులర్ మేధావులు రాజకీయాలను శాసించే స్థితిలో ఉన్నారు కూడా.

ముస్లిం స్త్రీల బురఖా ధారణను నిషేధించిన డెన్మార్క్ నుండి మనం నేర్చుకోవలసింది చాలా ఉంది. వ్యక్తి స్వేచ్ఛ, వివేకము అనేవి  మతపరమైన మూఢ విశ్వాసాల కంటే ఎంతో ఉన్నతమైనవి. వ్యక్తి స్వేచ్ఛను దేనికోసమూ పణంగా పెట్టరాదు. భారతీయ స్వేచ్ఛావాదులు తెలుసుకోవాల్సిన ముఖ్యమైన విషయం ఏమిటంటే ఎప్పుడూ ఒక వర్గాన్నీ లక్ష్యంగా చేసుకుని వారినే విమర్శిస్తూ ఇతరులని వెనకేసుకు రావడం, వాస్తవాలను విస్మరించి ఊహాలోకాలలో విహరించడం స్వేచ్ఛావాదం ఎన్నటికీ కానేరదు. స్వేచ్ఛావాదులు సమాజంలో రావలసిన మార్పులకు ప్రతినిధులుగా ఉండాలే గాని మతమౌఢ్యులను కొమ్ము కాసేవారిగా ఉండిపోరాదు. ఈ విషయంలో ప్రపంచంలోని ఇతర దేశాల ముందు డెన్మార్క్ ఒక ఆచరణాత్మక ఆదర్శాన్ని ఉంచింది.

ప్రతిదానినీ మతపరమైన దృష్టితో చూడడం, ఆ మేరకు నిర్ణయాలు చేయడం కాకుండా ఆధునిక దృక్పథంతో, వివేకంతో మసలుకోవాలన్నది ప్రపంచానికి డెన్మార్క్ చెప్పిన పాఠం.

— డా. దుగ్గిరాల రాజకిశోర్

About Raja Kishore D

Check Also

ప్రమాద ఘంటికలు మ్రోగిస్తున్న ముస్లీం జనాభా పెరుగుదల – 7 ప్రశ్నలు

ఈ మద్యనే నేను భారతదేశంలో ‘మత ప్రాతిపదిక గణాంకాలు’ అనే అంశంపై చర్చలో పాల్గొన్నాను. అందులో వచ్చిన స్పష్టమైన ప్రశ్న …

Leave a Reply

Your email address will not be published. Required fields are marked *